Tera Wo Apna Main Tha..

Tere Sath bitaye Un Lamho ko, Har pal Jeeta hun main,

Teri yaadon ke Zahar ko, Roz peeta hun main,

Maine Suraj ki Khilti Dhoop mein bhi , Ek Chaand dekha tha,

Maine tere Aanchal mein chhipa, Meri Jindagi ka ek Khwab dekha tha,

Teri Saanso se Jooda, Meri Rooh ka har Aks tha,

Jo tujhe toot kar Chahta tha, Us Bheed mein wo Shaks main tha...

 Teri Julfo mein Uljhi har Saans thi Meri,

Tere Saadgi pe Dhadhkan Beaawaz thi Meri,

Teri Aankhon mein Khushi ka, wo Ashk main tha,

Jo tujhe Sunai hi nahi diya, Pyar ka wo Shabd main tha,

Teri har Duaa mein, Har Ebaadat mein main tha,

Tujhe Dhoondte-Dhoondte jisne khud ko kho diya,,

 Jise Manjil Dhoond rahi thi, Wo Musafir main tha,

Jo Naa hokar bhi tere Sath tha, Wo Hath main tha,

Jo teri Chahat mein puri Raat jalta raha, Wo Chirag main tha,

Jo Khamosh Raat mein Akele Falak pe Chamakta raha, Wo Sitara main tha,

Jo Chaand ke Intzaar mein toot kar Jameen pe gir chuka tha, Wo Tara main tha,

Jo tere Sath Saaye ki tarah chalta raha, Wo Sahara main tha,

Jise Tu begana samajh baithi, Tera wo Apna main tha,

Teri Sapno ki Duniya mein ek toota hua Sapna main tha…